Jesus Christ, the Lamb of God
Jesu-Kristo, Kordero ng Dios
English and Tagalog translation
by Zeres Vitto @shiels3
Tune borrowed from My Living Hope
Music by Don Salmon


Tinalikdan Kanyang glorya
dahil sa pangako
Na ibinigay kay Adam tapos Abraham
Ng isang Manunubos,
Korderong walang dungis
Pinatay mula sa paglalang ng mundo


Inihayag ni Moises
ang pagdating ng Mesias
At lahat ng propeta sa Israel
Inihula ang pagsilang at ang kamatayan
At gawaing dapat Nyang gawin


Bagama't dalisay at walang kasalanan
Sya ay nagpabinyag sa pinsang si Juan
Ang Ama at Espiritu,
sa tinig at presensya
Ay kinumpirmang Sya’y Kordero ng Dios


Pinasan Nya ang bigat ng sala at hirap
At nadama ang kahihiyan ng sala
Nakita at naramdaman,
at tinahak na mag-isa
Sa kaligtasan ng nagkasalang lahi


Hallelujah, Tinupad Nya ang utos ng Dios
Hallelujah,
Namuhay ng dalisay at walang sala
Binuhos ang buhay hanggang kamatayan
Bilang Kordero sa katayan
Jesu-Kristo, Kordero ng Dios!

Hallelujah,
Ama’y nasiyahan sa Kanyang handog
Hallelujah,
Sya’y ibinangon mula sa libingan
Karapat-dapat Syang tumanggap sa libro
At kalagan mga selyo nito
Jesu-Kristo, Kordero ng Dios!


Sa kabanal-banalan doon sa langit
Binibura Nya ang sala ng mga namatay
Ito ay darating para sa mga buhay
Sya’y tanggapin, sala’y ikumpisal


Kapag Sya’y narinig ngayon
huwag magmatigas
Paputiin ang damit sa dugo ng Kordero
Supilin pagmamataas, simbuyo ng damdamin
Magbantay at lampara’y ayusin

>>>


Hallelujah,
Hinahanda Nya ang lugar natin
Hallelujah,
Kung saan Sya, tayo’y páparoón
Darating kasama ang mga anghel
Tayo’y sasalubong sa himpapawid
Jesu-Kristo, Kordero ng Dios!

Hallelujah, pag-alabin ang pag-asa
Hallelujah, isigaw sa tuktok ng bundok
Magpatotoo sa mundo
Sa buhay mo'y makikita nila
Jesu-Kristo, Kordero ng Dios!
Jesu-Kristo, Kordero ng Dios!
Jesu-Kristo, Kordero ng Dios!


Pagpalain Ka ng Panginoon!